I škola si than sikljovibasko, amalipasko thaj barjaribasko. Ande late šaj te dikhenpe hem o anglune pharipa e sikljovnengere. I eftato objava e serijaleski „Dživdipe bizo phandlipe” si vaš i rola e sikavneski. Kerdžape lafi e Miloš Milanovićeja, profesoreja vaš računarstvo thaj informatika andi Gimnazija „Bora Stanković” ki Vranja.
Ov vakerela tari tehnologija, tari presija vaš o sukcesi thaj taro butikeribe e kherutnencar. E sikljovneske trubula baro manuš kaste šaj te pačal. O sikavno šaj te del piko te avelpe angleder dži ko stručno phikaripe.
O kompjuteri thaj o telefoni si vaš sikljovibe, istražuvibe thaj stvaranje. O problemi trubula te dikhelpe kana o uređajija ciden o obaveze thaj o odnosi. Disave sikljovne vaš o khelipe na sovena dosta. Aver stalno dikhen o obaveštenja. Akava šaj te kerel popharo o šunibe e siklanako. Inportantno si te vakerelpe taro siklipena thaj taro lengere posledice.
Numa i tehnologija korkori nane dokazi vaš nasvalipe. O sikavno dikhela o averčhanipa, vakerela e sikljovneja thaj, te trubuja, vikini i stručna služba.
O terne butfar si telal presija vaš o note thaj vaš so adjikerela lendar o trujalipe. Godinena sar dičhona thaj si li kotor e amalipasko. Odoleske si inportantno i škola te barjarel pakiv thaj sigurnost. I bilačhi nota na tiknjarela e sikljovneskiri vrednost.
I greška trubula te ovel šaipe vaš sikljovibe. E čhavorese trubula te delpe šaipe te pučel, te kerel greška thaj te rodel phikaripe, bizo javno ponižavanje. Akava odnosi kerela o vakeribe polokho hem kana avena pobare pharipa.
O sikavno šaj te dikhel so o sikljovno butfar kasnini thaj na avela ki škola. Šaj te dikhel pohari atencija, pobilačhe note numaj cidipe taro kamle aktivitetija. Akala averčhanipa korkore nane dokazi vaš adhinipen.
Trubula te proverinelpe so ovela. O vakeribe trubula te ovel korkore e sikljovneja. Trubula te pučelpe sar haljolpe thaj so kerela leske o dive pharo. Inportantno si te šunelpe. I rola e sikavneski si te pendžarel so trubula phikaripe. I medicinaki procena kerela o sastipaskoro stručnjako.
Posebno inportantno si o vakeribe taro kladibe thaj taro lokhe love. O reklame šaj te mothaven o komari sar obično asajbe. I škola trubula te del piko e sikljovnenge te haljon so šaj te našaven love thaj te khuven ando borči. Trubula te vakerelpe hem taro alkoholi thaj tari droga.
O vakeribe trubula te ovel jasno thaj vaš lengere berša. O sikljovne trubula te džanen so šaj te phenen „na” e ponudake. Inportantno si te ovel len manuš kaste šaj te phenen vaš i presija numaj te roden saveti.
O dada-daja thaj i škola trubula khethane te keren buti. Kana o sikavno vakerela so godinela vaš o čhavoro, lačhe si te mothavel konkretne averčhanipa. O optužbe maškar lende šaj te adjikeren o phikaripe. O odeljenjakoro starešina, o školakoro psihologi numaj pedagogi thaj i familija šaj te keren dogovori vaš o aver hapija.
Te trubuja, vikinipe i sastipaski služba. Trubula te arakhelpe e sikljovneskiri privatnost. Leskere pharipa na trubula te vakerenpe avere čhavorenge numaj manušenge kola nane vikinde.
O pravilija vaš o telefoni trubula te oven jasna thaj te ikerenpe. O sikljovne trubula te haljon kana o uređaji lelape vaš i siklana. Trubula te sikavenpe sar te proverinen i informacija thaj sar te arakhen piri privatnost.
Inportantno si hem te planirinelpe i vrjama vaš buti thaj vaš dahinipe. Uzalo zabrane trubula hem objašnjenje. Andi siklana šaj te denpe zadacija kote o sikljovne istražuinena thaj stvarinena. Adžahar i tehnologija lelape vaš jasna resin.
Inportantno si o phikaripe taro vršnjaci. O sikljovne trubula te sikljoven te na asan e avereskere pharipaske. Te godinena vaš o amal, šaj te vakeren e bare manušeja andi škola. Na trubula korkore te len i buti vaš lečibe. Na trubula te den lafi so ka garaven opasno tajna.
Lengoro phikaripe šaj te ovel te džan e amaleja dži ki stručna služba. Adžahar i odgovornost ulavelape e bare manušencar kola šaj te organizirinen o trubutno phikaripe.
O sekcije, sporteskere ekipe, umetnikane grupe thaj o khethane projektija dena e ternenge šaipe te mothaven so džanen. O sikljovno sikljovela khethane te kerel buti thaj te ovel odgovorno. O lačho lafi vaš leskoro trudi šaj te zorjarel leskoro pačipe ando peste.
Ando škole taro Vranjakoro than inportantno si sakova čhavoro te šaj lel phikaripe. Trubula te respektirinenpe o diferentnikane familijakere thaj dživdipaskere okolnosti. I škola dela piko e prevencijake kana phandavela o džandipe, o pačipe thaj o phikaripe ki vrjama. Adžahar arakhela o sastipe thaj o avutnipe e ternengo.
Dikhen o teme taro kola vakerdžam ando serijali „DJIVIPE BIZO MARDNIPE“ — klikinen akate.
Bišundo vastengo phandlipe e terne manušesko andi avdisutni vrjama
Narkomanija: O čačipe palo hemijaki iluzija
Komari: Džekpot kova čorela o ternipe
O akoholizmi: Kana o tahtaj dirigirinela e ternipaja
O alarmesko signali ando školakoro zvono
O dad thaj i daj andi vrjama e digitalnikane zamkengi
I psihologija e ikljovibaski taro adhinipen
I Vranja bizo phandlipe e adhinipasko
Projekat podržao Grad Vranje. Stavovi izneti u podržanom medijskom projektu nužno ne izražavaju stavove organa koji je dodelio sredstva.