I istorija e manušikane civilizacijako, našti te anel pere godžate tari epoha kote o džandipe, asajbe thaj i manušikani komunikacija sine buteder numaj sar akana ki avdistni vrjama. Dži kaj ando amare khera isi suptilnikano thaj but garavdikano phandlipe, kaskoro anav si digitalnikano adhinipen.
Haljiljam so o digitalnikano adhinipe paralisini e manuše andralutne, bizo o manuš diso te pijel numa te hal. Voj astarela e manušeski godi thaj i percepcija e realiteteski, kote o čačutno them pohari našalela poro šaipe anglo but zoralo dizajnirime virtualikano than iluzijako, kova dela istantsko lačhi satisfakcija.
O digitalnikano adhinipe na lela e manušestar o than kote dživdinela, numaj ov bihaljovdikane lela lesiri vrjama, atencija (pažnja), hem leskoro šaipe te haljol pere autentikane emocije. Te šaj polačhe te haljova akava fenomeni, ka vakera taro pandž autentikane phendlina (sudbine) terne manušengere, kote ka vakerelpe taro bilačhe konkluzije taro akava problemi.
O angluno egzampli igarela amen ando takmičibasko video-khelibe, kote o dešuševengoro S.V. dolindžabe khelibaja sar simulacija, kana sine korkoro te nakhel leske i vrjama. Ponodori ulo lideri jekhe timesko thaj majšukar virtuelikano strategi, koleskoro sistemi kerdža te ove maj-adhinalo (zavisnost), adžahar so taro tikne račakere arija ačhoveja thaj kereja maratoni dji javinate.
Odoleske našavdža o berš ki škola, thaj khuvdža ki socijalnikani izolacija, kote vakeri so o virtualikano sukcesi ovela majopasno zamena vaš te mothave tut ko čačipe.
Dujto egzampli mothavela adhinalipe taro amalikane netvorkija jekhe dešupandže beršeskere čhajate i E.J. Voj but vrjama bešela sine te prekerel pere fotosija anglo kompjuteri, kote rodela sine te vakeren lake olendar thaj te čhiven „lajkija“. Okola manuša kola na čhivdje „lajkija“, ando late andže anksioziteti thaj na halas maro. Odova andža lakoro dživdipe te oven čuči scenografija lakere hohavne fotografijende.
Trito paramis vakerela taro dešuštare beršengoro čhavoro o K.L. kova dikhela sine tikne videoskere klipija, pali jek vrjama našaldža o šaipe te koncentrisinelpe thaj te drabarel (čitanje). Alo dži odova te našaljel motorikano thaj o kognitivikano šaipe, soske leskiri godi siklili ko sigutne vizionalikane senzacije, kote na mangela sine te kerel hem e školakoro-kherutno butikeribe.
O štarto egzampli mothavela jek drama, jekhe dešefta beršengere čhijake i A.M. Voj račate nakhavela sine o riga thaj dikhela sine o informacije. Voj kerdža peske hronikano bisojbe (nesanica) thaj našaldža pere emocije premal piri familija, uli sar „dilini“. Pandžto egzampli mothavi jekh lačhi perspektiva e maturanteski o M.M. kova haljilo korkori so bešela buteder taro ofto arija anglo ekrani thaj so nanele ni jekh autentikani uspomena pere amalencar.
Akate dindžale phikaribe e školako psihologo adžahar so kerdža peske jek metodi digitalnone botoksesko, trampindža poro godžalo telefoni vaš aparati slikibaske ko duj kurke, thaj palem aktivirijape ando poro sportesko klubi. Akaleja mothavdja so oleskoro iriba ando čačipe si jekhutno drom te irinelpe i kontrola andi teri phendli (sudbina).
I neurobiologikani struktura mothavi so palo avdisutne aplikacije bešena bare timija taro stručnjakija kola kerena bilačhipe thaj na mukena naturalikane te lučinipe o dopaminiani godi, numaj dena tikne doze te ovel tuke šukar. O čačikano dživdipe kova rodela buti thaj sabri (strpljenje) ovela bimanglo.
Majpharo phandlipe modernone vaktesko si kana o phandlo manuš korkori finansirinela, akhari thaj mangibaja korkori „pherela ple baterije“, ando poro bidikhimo phandlipe.
O godžalikano keriba buti e tehnologija anela lačho manifestibe korkori e manušese. Odolese trubula te sikljolpe taro digitalnikano džandipe taro tiknipe e čhavorengo, kote o kherutne trubula te keren zone bizo ekrani, thaj pere egzamploja te sikavi e čhavoren vaš i „dživdi komunikacija“, a i škola trubula te sikavi taro kritikano godipe, kote ola ka keren buti e tehnologija, a na i tehnologija olencar.
Den tumen godi kaj si i tehnologija majšukar hamaldžija (sluga), kova barvakerela o manušikano dživdipe, numaj šaj te ovel hem amaro thagar, kova šaj bute ternen te čhivel te dikhen ando ekrani. Majbaro thajmajlačho ekrani kova isi amen anglo amende si amaro dživdipe ando amaro zoralipe thaj šužipe.
Vaš sa o paramisa, savetija thaj poruke e serijaleskere „DJIVIPE BIZO MARDNIPE“ klikinen akate.
Bišundo vastengo phandlipe e terne manušesko andi avdisutni vrjama
Narkomanija: O čačipe palo hemijaki iluzija
Komari: Džekpot kova čorela o ternipe
O akoholizmi: Kana o tahtaj dirigirinela e ternipaja
O alarmesko signali ando školakoro zvono
O dad thaj i daj andi vrjama e digitalnikane zamkengi
I psihologija e ikljovibaski taro adhinipen
I Vranja bizo phandlipe e adhinipasko
Projekat podržao Grad Vranje. Stavovi izneti u podržanom medijskom projektu nužno ne izražavaju stavove organa koji je dodelio sredstva.