O prioriteti sakone školako si te den kvalitetikano sikljovibe sakone sikljovnese. Kerenape but meres kola isilen resin, te čhiven e sikljovnen ando procesi sikljovibasko, te den zuraribe te mothaven polačho sukcesi andi škola, sar andi škola adjahar hem popalal ando poro djivdipe. Jekh numero e sikljovnengo andar e Pčinjakoro rotalimo, but droma ačhavena i škola, thaj pere kherutnencar djana andi sezonalnikani buti andi Srbija ja avrijal latar ando azili. Ola palo nesavi vrjama irinenape andi škola, numa but našalenataronakhlo sikljovibe, hem olenge trubula zuraribe,te sikljon o nakhlo klasosko sikljovibe. O meres kola mothavdjepe sar šukar, si len preventivikano karakteri, hem ola realizuinenape andoregularnikano sikljovibe.
O rezultatija resenape konbinuibaja o individuali, zuime merencarvaš o sikljovne kola si ando pharipe, thaj olenge delape sistematikano zuraribe ando kvalitetikano hem jekhutno edukuibe. I resin si te arakhelpe sistemi kova ka identifikuinel e sikljovnen, kola si ando pharipe kote ka kerenpe lačhe meres intervencijakere vaš sakova identifikuime sikljovno, te zurjarenpe o kapacitetija e školengere, vaš lengoro kreiribe te realizuinenpe o meres thaj o aktivitetijakote ka kerelpe nevi školaki kultura.
Ando paluni vrjama isi trubuipe te involvirinenpe o daja dada, ando djivdipe e školako. Pobaro numero e sikavnendar ale dji ko godipeandi praksa, so anela amen dji odova so o sikljovnokana našavela o berš, avelape dji i interpretacija so o sikljovno nane korkoro bango, numa i rola lela upral peste hem i škola. O fenomeni ikljovibasko taro sikljovibee školake si nevipe kote trubula te kerenpe mehanizmija vaš e sikljovnengo zuraribe kola si ando pharipe te ačhaven i škola, thaj mehanizmija sar te irinenpe andi škola. Ando esavke grupe perena hem nesave taro romane čhavore.
Kerde si nesave meres, kola ulavenape ando trin kategorije – škola, sikljovne hem o dada dija. Majefektivna meres kola anena te agorkerenpe o problemija kolencar arakhelape i škola, si hemo involvipe e dadengo dijengo thaj zuraribe e tari rig e sikavnengi. Inportantno si so i škola trubul te korespondirini e kvalitetnone Standardikane bučaja ando sikavdimaske – edukacijake organizacije palo Hakajenge standardija, kola dikhena pere rezultatija ando butikeribe majbut ando kotor 3 – Sikljovibasko resipe e sikljovnengo thaj kotor 4 – Zuraribe e sikljovnengo, kote šaj avel dji o lačharipe te involvirindjepe o sikljovne hem o dada dija. Inportantna školake faktorija kola anena ando polačhi kvalitetikani klasa, si soe školako sikljovibe trubul te kerelpe palo djandipe e sikljovnengo, te ovel haljovdo olenge, hem te delpe lenge zuraribe ando sikljovibe.
Trubul te haljovelpe savi si i relacija maškar o čhavore thaj o kherutne, andi klasa, e školako avrijalutnipe, numa inportantno si hem e dadeja dija. Odoleske trubulamaškar i škola hem i familjija e sikljovnengite ovel haljovibe. Kokherutne kerenape thaj ovena o fizikane, moralikane thaj butikeribaskori edukacija, khere formirinipe o personaliteti kova ka djivdini thaj ka kerel buti. Ko kherutne thaj ko aver edukuibaskere thana čhivelape jek buti: rodelape olendar te keren planikane, thaj sistematikane,te keren influenca ando edukuibe thaj socijalnikano baripe e čhavoresko. Ando akava drom ikljona but pharipa.
Bari influenca sileoemocionalnikano haljovibe ando than kote o čhavoro barjola,thaj kerela poro personaliteti. O haljovibe e dadeja dija thaj e školaja, si but interesantno hem tema istražuibase kote analizirinenape o godipe e dajako dedesko, kote haljovelape olengoro niveli školuibaskoro. Si propozi kaj ando keriba buti ki akaja tema, šaj te anel o inportantnibe vaš o butikeribe maškar lende. Edukuibaja kotar tiknipe e čhavore, o kherutne sikavena o norme thaj ano leste čhivena nesave moralna, etička thaj aver modelija manušipaskere. O haljovibe maškar o kherutne thaj o sikavne andi škola,mothavi olengoro dikhibe ando sikljovibethaj o inportantnibe ando manušikano amalipe. Ko avdisutno školako sistemi trubula te barjaripe o godipe e kherutnegoro vaš pobaro resipe lengere čhavorengo andi škola, thaj te delpe zoraribe e kherutnenge tari rig e institucijengiri te haljon piri rola ando sikljovibe.
O dada dija maškar peste nane jek, pali buti, agoribe i škola, palo godipe pa hem ando aver dikhibe i škola, hem ple čhaven denaaver edukuibe. I škola sar institucija so sikavela thaj edukuinela e čhavoren, voj si interesimi te barjarel o niveli pere sikljovnengoro. E sikavdimasko-edukacijako butikeribe si pharo procesi,kote si phandle but faktorija, numa majbut o dada dija hem i škola. Jek taro mothavde pozitivikane efektija ando sikavdimasko-edukuibe si o butikeribe akale duje faktorengo. Mothavdo si kaj i rola e dadengi hem dajengi isila bari influenca ando polačhe rezultatija andi škola. O godibe e dadengo dijengo si influentno, sose ola mothavena i refleksija odolestar so o sikavne kerena andi škola.
Ola si indikatorija kola mothavena o trubuipe vaš nevipe ko patrina, a sa akava kerelape te delpe zuraribe e sikljovnenge thaj kontinuirano butikeribe e školako vaš polačhe rezultatija e sikljovnengoro. I praksa panda mothavdja so si but inportantno taro niveli sikavdimasko e dadengo dijengo, kova sile influenca ando sikljovnengere rezultatija andi škola. But istražuibe mothavdje so o socioekonomikano statusi, i struktura e familijaki, o edukuibasko stili e kherutnengo, lengo mothavipe ando siklovibe e čhavorengo thaj o emocionalnikano phikaribe, mothavena o faktorija e familijakere autoriteteja so anela dji ko rezultatija andi škola.
O rezultatija istražuibaskere mothavdje kaj o harno socioekonomikano satatusi si andi korekcija e šaipnaja te alosaren tikno numeri taro školepere nikne notencar, uče riskoja te ačhavel i škola, tikno pačipe ano peste, thaj bare niveloa školake anksiozneja, kova anela dji ko tikne rezultatija, harno intelektualno šaipe, harne akademikane thaj socijalnikane djandipaja. O sikavdipe e dajako e dadesko si inportantno buti soske ov mothavela kozom ola šaj te den žutipe e sikljovnese, ando esavko dikhipe o sikljovne imitirinena pere daden dijen.
Akate si panda inportantno kozom o dada dija hem i škola isilen butikeribe, so anela pozitivikane efektija ando sikljovibasko thaj edukuibasko procesi e čhavorengo. Isi but forme te čhivenpe o dada dija ando sikljovibe e čhavorengo, ja te vakera ando djivdipe e školako, sar soj: te angažuinenpe ando aktivitetija e klasakere thaj e školakere, te dikhenpe o rezultatija e sikljovnengere, te oven ando timi kote vakeripe andar o problemija e sikljovnengere, te organizuinenpe nesave akcije thaj aver. Te sine o dada dija ando ando sistemi sikljovibasko e čhavorengo, akate ka oven hem polačhe rezultatija.
E čhavorengere dada dija kola si ando sistemi sikljovibasko, isi šaipe so ola ka mothaven polačhe rezultatija, te aven sakova dive andi škola, ka barjaren e čhavorengoro pačipe ando peste, ka motivirinen e sikljovne thaj ka den e čhavorese pačipe ando lesoro sikljovibe. Te kerdjape averčhane kotar akava vakerdo, šaj te anel negativikane pharipa, adjahar so šaj i daj o dad te ikljontaro djivdipe e čhavesko, so mothavela jek neadekvatikano mothavibe. Te o dada dija mothavdje pozitivikano dikhibe premal pe čhave, ov ka anel polačhe rezultatija.Te mukljan e čhavore korkori peske, othe avela dji ko nakandipe thaj agresibe, a palo odova hem bilačhe rezultatija andi škola.
O dada dija hem o sikavne trubula te ovel len maškaro peste butikeribe vaš e čhavorengo šukaribe. Fundavno godipe butikeribasko maškar i škola thaj o dada dija, si te anen te šaj o čhavore te ovel len polačho šaipe te barjol ano pošukar personi. Kozom o dada dija ka oven ando butikeribe e školako, odova pučipe avela e školatar thaj e sikavnendar, numaj pobuter tari familija taro lengoro etniteti, lengere diplome, te oven prandime, thaj aver. Mothavdjape so o niveli e dadengo dijengo tej si učo ko sikavdipe othe, but polokhe ka avel dji ko butikeribe e školaja numa okola so silen tikno niveli sikavdipasko. Maškar akala duj institucije avela i realizacija e sikljovibaske-edukacijako , kote barjovela thaj buljola o djandipe e dadengo dijengo, kana si o pučipe e sikavde praksako.
